|
|||||||
|
|
|
|||||
|
|
|||||||
صحيح أنا من بدة الناس ... مغليك
وحبك بقلبي عالي في مقامه
صحيح أنا للغير بايع وشاريك
مجبور فيك ولا سمعت الملامه
وإن غبت عني ... ماتأكدت وش فيك
أبعيني تصير الناس عقبك يتامه
لاشك لاتنسي ولاني موصيك
يصعب على الرجال ... جرح الكرامه
ترى غلاك أما حفظته يخليك
أحفظ غلاك أرجوك قبل انعدامه
ارسم بفكرك مع فكر شخص يرجيك
خط الحياة اللي وراها سلامه
شخصيتك لاتنعدم مع ... مباديك
غيرك يخطط لك ... وتتبع نظامه
أعرف ترى العدوان غير تشكشيك
كلن يبي حبك سريع انهدامه
لو هو قريب لك ... ترى مشا يدانيك
يضحك وفي قلبه من الغبن شامه
أقولها وإن كان خاب الرجاء فيك
كلن له الله ... ماتقوم القيامه
